کنگ آف کامیڈی امان اللہ خان صاحب انتقال کرگئے,وزیر اعظم کا دکھ کا اظہار

Aman ullah khan died

کنگ آف کامیڈیامان اللہ خان صاحب  انتقال کرگئے,وزیر اعظم کا دکھ کا اظہار

لاہو ر کنگ آف کامیڈی امان اللہ خان صاحب انتقال

کرگئے دنیا کو اپنی جگتوں سے ہنسانے والے کامیڈین امان اللہ خان صاحب انتقال کرگئے وہ گردوں اور پھیپھڑوں کی مرض میں مبتلا تھے وزیر اعظم عمران خان نے معروف کامیڈین امان اللہ کے انتقال پر گہرے دکھ کا اظہار کرتے ہوئے مرحوم کے درجات کی بلندی اور لواحقین کے صبر کی دعا کی ہے. 

دیگرتفصیلات کے مطابق امان اللہ خان صاحب گذشتہ ایک ہفتے سے بحریہ ٹان لاہور کے ہسپتال میں زیرعلاج تھے. وہ گردوں اور پھیپھڑوں کی مرض میں مبتلا   تھے انہوں نے ستر سال کی عمر پائی ہے.

کامیڈی کی دنیا میں اپنا خاص مقام رکھنے والے امان اللہ خان کو چند ماہ قبل دل کا دورہ پڑنے کے باعث انتہائی نگہداشت وارڈ ICU منتقل کیا گیا تھا جس کے بعد سے ان کی طبیعت خراب رہنے لگی تھی.

صوبہ پنجاب کی دھرتی میں آنکھ کھولنے والے امان اللہ کو خدا نے فن کی نعمت سے ایسا نوازا تھا کہ کم عمری سے صلاحیتوں کا جادو جگانا شروع کر دیا تھا. امان اللہ خان صاحب نے پاکستانی تھیٹر کو منفرد مقام بخشا اور کئی دہائیوں تک تھیٹر کے اسٹیج پر راج کیا کر دیا تھا.

 یہی وجہ تھی کہ دنیا بھر میں امان اللہ کے فن کی دھوم مچی اور اپنی لائیو پرفارمنسز کے ذریعے خوب داد سمیٹتے تھے. فنی خدمات کے اعتراف میں امان اللہ کو سن 2018 میں صدارتی ایوارڈ سے بھی نوازا گیا تھا.

وزیر اعظم عمران خان نے معروف کامیڈین امان اللہ کے انتقال پر گہرے دکھ کا اظہار کرتے ہوئے مرحوم کے درجات کی بلندی اور لواحقین کے صبر کی دعا کی ہے. وزیر اعظم عمران خان نے کہا مرحوم امان اللہ اسٹیج  مزاحیہ اداکاری اور ڈرامہ انڈسٹری کا قیمتی اثاثہ تھے. 

  خدا ان کے درجات کو بلند فرمائے آمین...